Қызылорда қаласында күздің сұлулығы мен шаһар келбетін әспеттеуге арналған байқауы ұйымдастырылды. Көрмеде қатысушылар шаһарымыздың көркем келбетін, күзгі сұлулығын және шығармашылық көзқарасын ұсынды.
Шараға қала әкімінің орынбасары Ділмұхамед Абызов қатысып, фотошеберлердің еңбектерін тамашалады. Көрмеге барлығы 15 фотошебер қатысып, өз туындыларын көрермен назарына ұсынды. Өнер арбатында өткен фото көрме-сайысына кәсіби және әуесқой фотографтар қатар бой көрсетті. Әрбірі Қызылорданың табиғатын, қаланың ерекше сұлулығын фотосуретпен жеткізуге тырысқан. фотографтар күзгі сұлулықты, әдемі ғимараттарды, ең бастысы бақытты қала тұрғындарын кадрға алған.Өнер арбатында өткен фото көрме-сайысына кәсіби және әуесқой фотографтар қатар бой көрсетті.
– Қызылорданың сұлулығын өз көзіммен басқаша жеткізгім келді. Менің көзімде Қызылордада өте сұлу адамдар, бақытты адамдар, эмоцияға толы адамдар өмір сүреді. Жұрттың көзіне талы жоқ серый болып көрінгенімен өзінің атмосферасы бар, адамдары арқылы табиғаты арқылы әдемі көрінетін қала болып елестейді. 1.00 Мен негізінде сол орманға, алыс беріс шықпай, күнделікті көріп жүрген жерлерімнен, үйдің, есіктің алдынан қандай сұлулықты көрдім, соны ғана алып жүрдім. Үйдегілерді шақырып тұрып, әдемілеп фотосессия жасағаным бар, – деді жас фотограф Нұрайым Қабден.
Көрмеге ерекше фото ұсынған Нұрайымның шығармашылық жұмысынан жылылық, ағайындардың бауырмалдығы, сұлулық пен нәзіктік байқалады. Әдемі сәтті көркем кадрға айналдырған бойжеткен фотоөнерге бала кезден қызыққан. Шара арқылы жарқын туындыларын көрерменге көрсетуге мүмкіндік алды.
Талантты фотограф Дінмұхамед Бегімов те көрме алаңынан табылды. Ол шараға бірнеше фотоны ұсынып, лайықты бағасын алды.
– Көрмені мен баяғыдан хабардармын. Мен Қызылорда бойынша фотографпын. Біз бірінші алғашқы Президент саябағын түсірдік. Қорқыт саябағы бар. Жеке модельмен жұмыс болды. Түрлі фотолар алып келдік. Менде ерекше фотоның бірі табиғатпен фото түсірдік. Маған осы Қызылордада күз мезгілінде күндізгі фотоларды түсірген ұнайды. Мен сол фотоларды жинап, дайындалып, сақадай сай болып келдік. Он фото алып келдік, – деді фотограф.
Айта кетейік, шараның негізгі ұйымдастырушылары – «Pozitiffрroduction» фото-видео студиясы және қалалық жастар ресурстық орталығы.
– Негізгі ойымыз айқын, ол – қаламыздағы фотографтарды қолдау, қаламыздың әсем жерлерін осы қонақтарға көрсету. Осы мақсатта 16 қатысушы барын салды, жақсы нәтиже көрсетті.
Талаптар тек фотоаппаратпен түсірілуі керек. Телефонмен түсіруге, дрон секілді экшн камераларды қолдануға болмайды. Және тақырыбы бар. Күзгі Қызылорда. Осы тақырыптың аясында түсірілуі керек.
Байқауға қатысушылар тың идеясы арқылы табиғаттың әдемі көріністерін, қаланың ел біле бермейтін орындарын фотоға түсірген. Олардың еңбегін кәсіби білікті мамандар ғана емес, қала тұрғындары да бағалады. Яғни, арнайы стикерлерді өзі ұнатқан фотоға жапсырып, таңдау жасады, – деді Байқауға қатысушылар тың идеясы арқылы табиғаттың әдемі көріністерін, қаланың ел біле бермейтін орындарын фотоға түсірген. Олардың еңбегін кәсіби білікті мамандар ғана емес, қала тұрғындары да бағалады. Яғни, арнайы стикерлерді өзі ұнатқан фотоға жапсырып, таңдау жасады, – деді «Pozitiffрroduction» фото-видео студиясының басшысы Жалғасбек Жарқынбекұлы.
Байқау нәтижесінде 1 – орынды Берікбол Әбутәліп, 2 – орынды Наталья Голованова, 3 – орынды Рүстем Әли иеленді. Сондай-ақ, «Көрермен көзайымы» номинациясымен Берікбол Әбутәліп пен Нұрайым Қабден марапатталды. Шығармашылық қабілеті арқылы қаланың әдемілігін көркем түрде бейнелеген жастарға қаржылай сыйақы табысталды.
– Күз – фотографтар үшін ерекше мезгіл. Табиғат түрлі түске боялып, жастардың шабыты оянатын кезең. Біз осы шара арқылы жастардың еркін шығармашылық ойлауына жол ашып ғана қоймай, олардың еңбегін көпшілікке танытуды мақсат еттік. Мұнда жас фотографтар бар. Олар Қызылорданың сұлулығын фото арқылы қала тұрғындарына жеткізеді. Бір сөзбен айтқанда фотоға жан бітіреді. Шын мәнінде, фотоөнер деп әдемі кадрды атамаймыз. Керісінше нағыз фотода өмірдің шынайы сәтін уақытпен ұштастыруды, сол бір ерекше сәтті яғни кадрды ұстап қалуды айтамыз. Осы тұрғыдан алғанда, жас фотографтар туған қаланың бейнесін ерекше қырынан көрсете алды, – дейді «Qosyl» қалалық жастар ресурстық орталығының директоры Медет Жорабек.
