«Қайрат» футбол клубының баспасөз қызметі. Суретте: Дастан Сәтпаев
Transfermarkt аналитикалық порталы ресми сайтында Қазақстан премьер-лигасы футболшыларының трансферлік құнын жаңартты, деп хабарлайды salemnews.kz ақпарат агентттігі.
Редакция бұл жаңартуды Қазақстан футболындағы маусымның алғашқы бөлігінің аяқталуымен байланыстырған.
17 жастағы шабуылшы Дастан Сәтпаевтың көрсеткіші де өсті. Ол 17 маусымда лондондық «Челсиге» ауысар алдында алматылық «Қайрат» сапындағы қоштасу матчын өткізген еді. Форвард ағылшын клубы үшін кәмелет жасына толғаннан кейін, яғни 12 тамыздан бастап өнер көрсете алады.
Сәтпаевтың жаңа трансферлік құны – 3,5 млн еуро. Бұл бұрынғы көрсеткішінен 0,5 млн еуроға көп. Қазіргі таңда бұл қазақстандық футболшылар арасындағы ең жоғары баға саналады.
«Жас футболшы жергілікті турнирлерде өзінің жоғары шеберлік деңгейін дәлелдеп жүр және жаңа еуропалық маусымда топ-5 лиганың бірінде өзін көрсету мүмкіндігін сақтап отыр», – деп атап өтті Transfermarkt.
Тағы бір жас футболшы – Мақсат Абраевтың да нарықтық құны едәуір өсті. 18 жастағы шабуылшы «Астана» клубының негізгі құрамынан орын алып, Қазақстан құрамасында дебют жасады. Сәтті ойындарының нәтижесінде оның трансферлік бағасы 200 мың еуродан 1 млн еуроға дейін көтерілді.
Сәтпаев ҚПЛ-ден кеткеннен кейін турнирдегі ең қымбат футболшы Иван Башич болып қала береді. 2026 жылғы әлем чемпионатында өнер көрсетіп жатқан «Астана» жартылай қорғаушысы 1,5 млн еуроға бағаланып отыр. Оның құны 0,3 млн еуроға өскен.
