Фото: ҰОК
Қазақстандық боксшы Сәкен Бибосынов кәсіпқой рингтегі тұңғыш жекпе-жегін сәтті өткізді, деп хабарлайды Salemnews.kz ақпарат агенттігі.
Бибосынов Қырғызстан астанасы Бішкекте өткен бокс кешінде филиппиндік Кристиан Леганемен (6 жеңіс, 1 жеңіліс, 3 тең) қолғап түйістірді. 52,1 келіге дейінгі салмақ дәрежесінде жоспарланған алты раундтық жекпе-жек бірінші раундта-ақ аяқталды. Отандасымыз қарсыласын ауыр нокаутқа түсіріп, жеңіске жетті.
Бұл — Сәкен Бибосыновтың кәсіпқой бокстағы алғашқы жеңісі. Ал оның қарсыласы Кристиан Легане екінші мәрте жеңіліп отыр.
Айта кетейік, Сәкен Бибосынов — 2021 жылғы Белградтағы әлем чемпионы, 2020 жылғы Токио Олимпиадасының қола жүлдегері. Сондай-ақ, Азия чемпионаттарында 2021 жылы қола, ал 2022 жылы күміс медаль иеленген.
