Фото: Anadolu
19 шілдеден бері Пәкістанның Хайбер-Пахтунхва және Пенджаб провинцияларында, сондай-ақ Гилгит-Балтистан өңірінде нөсер толассыз жауып жатыр. Соның салдарынан кенеттен болатын су тасқындары мен жер көшкіндері тіркелуде, деп хабарлайды salemnews.kz ақпарат агенттігі.
Биліктің мәліметінше, қолайсыз ауа райы, оның ішінде кенеттен болған су тасқындары, найзағай түсуі және электр тоғының соғуы салдарынан Хайбер-Пахтунхва провинциясында 20 адам, ал Пенджабта 17 адам қаза тапқан.
Осылайша, ел бойынша табиғи апаттан көз жұмғандардың жалпы саны 37 адамға жетті.
Сонымен қатар, Гилгит-Балтистанда және Пәкістан бақылауындағы Азад Джамму мен Кашмир өңірінде нөсер жаңбырдан кейін болған су тасқындары мен жер көшкіндері ауыл шаруашылығы алқаптары мен жергілікті тұрғындардың тұрғын үйлеріне айтарлықтай зиян келтірді.
