Фото: ашық дереккөз
Ресейдің сыртқы істер министрі Сергей Лавров президент Қасым-Жомарт Тоқаевтың мемлекеттердің аумақтық тұтастығын сақтауға басымдық береді дегенімен келіспейді. Лавровтың сөзінше, тіпті БҰҰ жарғысында ұлттардың өзін-өзі билеу құқығы да қарастырылған. Бұл туралы salemnews.kz ақпарат агенттігі Коммерсант басылымына сілтеме жасап хабарлайды.
Тоқаев аумақтық тұтастық қағидатын сақтамау бір-бірімен қас көптеген мемлекеттердің пайда болуына әкелетінін бірнеше рет мәлімдеді. Атап айтқанда, ол мұны 2022 жылдың маусым айында Санкт-Петербург халықаралық экономикалық форумында айтты. Сол кезде Қазақстан басшысы БҰҰ Жарғысының өзін-өзі билеу құқығы мен аумақтық тұтастық қағидаттары бір-бірімен қарама-қайшылықта екенін, Қазақстанның Донецк және Луганск халық республикаларының тәуелсіздігін мойындауы екіталай екенін атап өтті.
«Мен онымен келіспеймін. Біз қазақстандық достарымызға кейін өз ұстанымымызды түсіндірдік. Ол үшін тек аумақтық тұтастық құқығы бар. Бірақ мен тағы айтамын: егер сіз БҰҰ-ның мүшесі болсаңыз, Жарғыны толығымен құрметтеңіз», – деді Лавров.
Оның айтуынша, үкіметі сол жердегі халқының толық мүддесін қолдайтын мемлекеттерде аумақтық тұтастық сақталады.
2022 жылдың 21 ақпанында Ресей президенті Владимир Путин ДХР мен ЛХР тәуелсіздігін мойындау туралы шешім қабылдады. Бірнеше күннен кейін, 24 ақпанда ол Украинада арнайы әскери операция басталғанын хабарлады. Еске салсақ, Тоқаев Путиннің жанында отырып, Луганск пен Донецк тәуелсіздігін мойындамайтынын айтқан еді.
