Фото: pexels.com
Ақмола облысында Астана-Щучинск автожолының 126-шақырымында Lada 2110 көлігінің қатысуымен жол апаты болды, деп salemnews.kz ақпарат агенттігі NUR.KZ басылымына сілтеме жасап хабарлайды.
Полицияның мәліметінше, 4 мамыр күні болған оқиға салдарынан бір жолаушы оқиға орнында қаза тапқан. Тағы бір адам түрлі дене жарақаттарымен медициналық мекемеге жеткізілген.
Қазіргі уақытта аталған дерек бойынша сотқа дейінгі тергеу жүргізіліп жатыр. Тергеу нәтижесі бойынша тиісті процессуалдық шешім қабылданады.
