ҚР Парламенті Мәжілісіндегі «AMANAT» партиясы депутаттық фракциясының мүшесі Мұрат Ергешбаев бүгін өңірге жасаған сапарында Талсуат ауылдық округінде жүзеге асырылып жатқан ерекше жобалардың бірі – бекіре балығын өсірумен айналысатын “Хан Бекіре 11” ауыл шаруашылығы өндірістік кооперативінің тыныс-тіршілігімен танысты, деп хабарлайды Salemnews.kz ақпарат агенттігі.
танысты.
«Хан Бекіре 11» ауыл шарушылығы өндірістік коопертиві иесі Ғалым Нағиев өткен жылы ауыл ішінен нысан салып, бекіре тұқымды балықтарын өсіруді қолға алған. Қазір тереңдігі 50 метрді құрайтын жерасты ұңғымасы арқылы тазарту сүзгісінен өткен судың көмегімен көптеген бекіре балықтарын өсіріп отыр. Балықтың басым бөлігі қарапайым бассейндерге жіберілген. Шабақтары бөлек сақталуда.
«Бекіре балығында көптеген ауруларға қарсы иммунитет қалыптасқан. Балықтың өзі де таза, вируспен сирек аурады. Аталмыш балықтың уылдырықтарын да тұтынушыларға сату ойда бар. Бірақ, оған кемінде бес жылға жуық уақыт қажет. Алдағы уақытта»AMANAT» партиясының» Ауыл аманаты» жобасы аясында несие алып, толық жағдай жасауды жоспарлап отырмын», -дейді Ғалым Нағиев.
«Ауыл аманаты» жобасы аясында жеңілдетілген 31 480 000 теңге қаржы алған жағдайда нысан ішін толықтай инфрақұрылыммен қамту жоспарланып отыр.
Талсуат ауылдық округінің әкімі Ерлан Тұтқабайұлы: Алдағы уақытта кооператив нысаны орналасқан көшеге тас төсеу жұмыстарын жүргізу жоспарланған. Бұл арқылы шаруашылық тұтынушыларына қолайлы жағдай жасалмақ,-деп атап өтті.
