ҰОК
Қазақстан құрамасы Қытайдың Сюйчжоу қаласында өтіп жатқан триатлоннан Азия чемпионатында үшінші медалін жеңіп алды, деп хабарлайды salemnews.kz ақпарат агенттігі.
U17 жас санатындағы аралас команда эстафетада күміс жүлдеге ие болып, тұғырдың екінші сатысына көтерілді.
Аталған бағдарламада ел намысын Гор Депершмидт, Альхам Мұрат, Калерия Шнейдер және Алуа Нұрмұхамет қорғады.
Осылайша, Қазақстан құрамасының қоржынында үш медаль бар. Бұған дейін Азия чемпионатының алтын жүлдегерлері атанған Рамазан Айнегов (U17) пен Ясмина Бузуртанова (U15) ел қоржынына екі алтын медаль салған еді.
