«AMANAT» партиясы Қызылорда қалалық филиалының мониторингтік тобы «Кедергісіз келешек» жобасы аясында Қорқыт ата аллеясындағы жаңарту барысын зерделеді, деп хабарлайды Salemnews.kz ақпарат агенттігі.
Зерделеу жұмыстары барысында пандустардың құрылыс нормасы мен ереже талаптарына сәйкестілігі назарға алынып, олардың нормативтік талаптары негізінде анықталған кемшіліктер бойынша мердігер мекеме өкілдеріне ескертулер беріліп, ақпараттық түсіндіру жұмыстары жүргізілді.
«Кедергісіз келешек» партиялық жобасының мақсаты — мүмкіндігі шектеулі жандар үшін кедергісіз орта қалыптастыру, олардың қоғам өміріне толыққанды қатысуына жағдай жасау және әлеуметтік инфрақұрылымды қолжетімді ету.
