Теміртауда үш көлік қатысқан ірі жол апаты болды. «Mercedes», «Nissan» және «Nissan Juke» автокөліктері соқтығысып, үш адам түрлі жарақатпен ауруханаға жеткізілді, деп хабарлайды Salemnews.kz ақпарат агенттігі.
Қарағанды облыстық ПД мәліметінше, «Mercedes» автокөлігін 16 жастағы жасөспірім жүргізген. Ол қарсы бағыттағы көлікпен соқтығысып, артынша жарық бағанына соғылған.
Жолаушылар мен жүргізуші зардап шекті
- «Nissan» көлігін 44 жастағы азамат басқарған.
- Соқтығыстан кейін бұл көлік тұрақта тұрған «Nissan Juke»-ке соғылған.
- Жол апаты кезінде «Juke» салонында 48 жастағы әйел отырған.
Жалпы үш адам – «Mercedes» жүргізушісі мен «Nissan» көлігіндегі екі жолаушы ауруханаға жеткізілді.
Тергеу басталды
Полиция оқиғаны тіркеп, қазіргі таңда қажетті сараптамалар тағайындалған. Сараптама нәтижесіне қарай процессуалдық шешім қабылданады.
