Ұлттық домбыра күніне орай қалалық мәдениет үйінің жас өнерпаздары әуежайда мерекелік өнер бағдарламасын ұсынды. Домбыраның күмбірлеген үні жолаушылар мен қала қонақтарына көтеріңкі көңіл күй сыйлап, қазақ халқының бай мәдени мұрасын дәріптеді.
Іс-шараның басты мақсаты – ұлттық құндылықтарды насихаттау, домбыра өнерін кеңінен таныту және халқымыздың рухани мұрасын жас ұрпаққа үлгі ету. Көрермендер жас өнерпаздардың өнеріне ризашылықтарын білдіріп, ерекше әсер алды.
