Фото: Pixabay.com
Қызылорда облысының Кәмелетке толмағандардың істері жөніндегі мамандандырылған ауданаралық сотында адамдар тобына, оның ішінде кәмелетке толмағандарға қатысты ауыр қылмыстар бойынша іс қаралды, деп хабарлайды salemnews.kz Skifnews.kz ақпарат порталына сілтеме жасап.
Іс қандай баптар бойынша қозғалды?
Сотталушыларға ҚР Қылмыстық кодексінің бірнеше бабы бойынша айып тағылды:
• 194-бап – ірі мөлшерде пайда табу мақсатында қорқытып алушылық;
• 110-бап – кәмелетке толмаған адамға қатысты азаптау;
• 134-бап – кәмелетке толмағанды жезөкшелікпен айналысуға тарту.
ҚР Қылмыстық-процестік кодексінің 29-бабына сәйкес, іс жабық сот отырысында қаралды. Сотталушылардың кінәсі қалай дәлелденді.
Іс барысында сотталушылардың кінәсі мынадай дәлелдермен расталды:
— оқиға орнын қарау хаттамалары; — бейнежазбалар; — WhatsApp арқылы жіберілген хат-хабарлар;
— банктік шоттар бойынша үзінді көшірмелер;
— сараптама қорытындылары; — жәбірленушінің жауабы.
Прокурор қандай жаза сұрады?
Мемлекеттік айыптаушы сотталушыларды кінәлі деп танып, келесідей жаза тағайындауды сұрады:
• М.Н., А.Ж., Қ.Д. – 6 жыл 8 ай бас бостандығынан айыру;
• Б.А. – 4 жыл 6 ай бас бостандығынан айыру;
• Т.Ұ. және Қ.А. – 4 жыл бас бостандығынан айыру;
• Т.А., Б.А. және Т.Д. – 8 жыл бас бостандығынан айыру.
Сот шешімі қандай болды?
Жаза тағайындау кезінде сот бірнеше жеңілдететін мән-жайларды ескерді:
— М.Н., А.Ж., Қ.Д., Б.А. – кәмелетке толмағандар;
— Т.Ұ. және Қ.А. – жасаған істеріне шын жүректен өкінген.
Ауырлататын мән-жайлар анықталған жоқ. ҚР ҚК-нің 55-бабына сәйкес, мұндай жағдайда жаза мерзімі бапта көрсетілген ең жоғары мерзімнің үштен екісінен аспауы тиіс.
Сот үкімі:
• М.Н., А.Ж., Қ.Д. – 134-баптың 3-бөлігі 1),2)-тармақтары, 194-баптың 3-тармағы 2)-тармақшасы, 110-баптың 2-тармағы 1)-тармақшасы бойынша кінәлі деп танылып, 6 жыл 8 ай бас бостандығынан айыру жазасы тағайындалды.
• Б.А. – 194-баптың 2-бөлігінің 2)-тармақшасы бойынша кінәлі деп танылып, 4 жыл 8 ай бас бостандығынан айыру жазасына кесілді. Бұл үкім заңды күшіне енген жоқ.
• Т.Ұ. және Қ.А. ҚК-нің 28-бабы 5-бөлігі, 194-бабы 2-бөлігі 1),2)-тармақшалары бойынша кінәлі деп танылып, әрқайсысына 4 жыл 8 ай бас бостандығынан айыру жазасы кесілді.
• Т.А., Б.А. және Т.Д. ҚК-нің 134-бабы 3-бөлігі 1)-тармағы және 194-бабы 2-бөлігі 2-тармағы бойынша кінәлі деп танылып, әрқайсысына 7 жыл 6 ай бас бостандығынан айыру жазасы тағайындалды. Үкім әлі заңды күшіне енген жоқ.
