Фото: скриншот
Петропавлдағы Ұлттық ұлан академиясында 1 курс студенттері арасындағы жаппай төбелеске қатысты қылмыстық іс қозғалды, деп жазды salemnews.kz
Бұл туралы Stan.kz ақпарат агенттігі хабарлайды.
Оқу орнының асханасында кешкі ас кезінде курсанттар арасында төбелес болды. Қақтығысқа 20 адам қатысқан.
Қазіргі уақытта тергеу жастардың мұндай әрекетіне не себеп болғанын анықтап жатыр. Оқу орнының басшылығы атап өткендей, бірнеше курсант сызат пен көгеру түріндегі жеңіл дене жарақаттарын алған. Оларға оқиға орнында қажетті медициналық көмек көрсетілді. Ауруханаға жатқызу талап етілмеді.
Оқиғадан кейін бірден академияда жалпы тексеріс басталды.
“Қазіргі уақытта жедел-іздестіру шаралары жүргізіліп жатыр. Жедел-тергеу тобы, әскери-тергеу бөлімі, әскери полиция келіп, жұмысы аяқталғаннан кейін барлық сараптама жүргізіледі. Бақылау камераларындағы жазбаларды зерттеп, заңды бағасын береді. Не болғанын және қалай болғанын анықтайды. Олар қазір барлық айғағын тергеушілерге беріп жатыр. Мүмкін біреу бірдеңе деп қойған шығар. Әр адамға рөл беріледі, ол бұл қақтығыста қандай рөл атқарды және соған қарай жаза тағайындалады”, – деді ұлттық ұлан академиясының басшысы Артур Тоқышев.
Еске салсақ, Петропавлда Ұлттық ұлан курсанттары жаппай төбелес шығарғаны айтылды.
