Украина президентінің баспасөз хатшысы Сергей Никифоров Анкарада Зеленский мен Ердоғанның кездесуі болатынын мәлімдеді. Бұл туралы Salemnews.kz ақпарат агенттігі хабарлайды.
Украиналық БАҚтың мәліметінше, Зеленский мен Ердоғанның кездесуі басталған.
Бұған дейін Би-би-си дереккөзі Мәскеу мен Киев делегацияларының кездесуі нақты уақытқа жоспарланбағанын хабарлаған болатын.
Стамбулдағы келіссөздердегі Ресей делегациясының басшысы, Ресей президентінің көмекшісі Владимир Мединский өзінің жеделхат арнасында Ыстамбұлға келгенін және байыпты жұмыс істеуге дайын екенін жазды. Кремль өкілі Ресей тарапы украина делегациясын күтетінін айтты.
«Біз украиналық келіссөз жүргізушілер келе ме, жоқ па және келіссөздердің қалай өтетінін білмейміз. Ресей делегациясы Ыстамбұлда дайын және күтуде», — деді Дмитрий Песков брифингте.
