adventtr/Getty Images
Алматы облысы аумағында жерасты дүмпулері сезілді. Бұл туралы ҚР Төтенше жағдайлар министрлігіне қарасты Сейсмологиялық бақылау және зерттеу ұлттық ғылыми орталығы мәлімдеді, деп хабарлайды salemnews.kz ақпарат агенттігі.
Мамандардың дерегінше, жер сілкінісінің қарқындылығы 2 балл болған. Сейсмикалық станциялар желісінің мәліметі бойынша, дүмпудің эпицентрі Алматы қаласынан оңтүстік-шығыс бағытта орналасқан.
Жер сілкінісі облыстың бірқатар елді мекендерінде әлсіз деңгейде сезілген.
Оқиғадан кейін тиісті қызметтерге жедел түрде хабар беріліп, жағдай бақылауға алынған. Алдын ала мәлімет бойынша, зардап шеккендер мен қираулар тіркелмеген.
Төтенше жағдайлар қызметі тұрғындарды сабыр сақтауға және тек ресми ақпарат көздеріне сенуге шақырды. Мамандар мұндай әлсіз дүмпулердің сейсмикалық белсенді аймақтар үшін қалыпты құбылыс екенін атап өтті.
