Ақтөбе қаласының №2 сотында бюджет қаражатын аса ірі мөлшерде жымқыру фактісі бойынша қылмыстық іс қаралды, деп хабарлайды salemnews.kz
Ақтөбе қаласының Жол қозғалысы қауіпсіздігін қамтамасыз ету және цифрлық технологиялар орталығының директоры жеке кәсіпкермен алдын-ала келісіп, мемлекеттік сатып алу аясында жол белгілерін салу үшін 272 млн теңгеден астам сомаға жалған келісімшарт жасаған.
Алайда іс жүзінде жұмыстар орындалмаған. Ал ұрлаған қаражатты қолма-қол ақшаға айналдырып, иемденген. Нәтижесінде мемлекетке аса ірі мөлшерде залал келген.
Сот орталық директорын мемлекеттік қызметте лауазым атқару құқығынан өмір бойына айыра отырып 8 жылға бас бостандығынан айыру жазасын тағайындады, ал мердігерге кәсіпкерлік қызметпен айналысу құқығынан 10 жылға айыра отырып 7 жылға бас бостандығынан айыру жазасын тағайындады.
