«Әскери құрылыс» АҚ бір кездері әскери-стратегиялық объектілерге жататын жалпы сомасы 1 миллиард теңгеден аса жылжымайтын мүлік пен тауарлық-материалдық құндылықтарды сауда-саттыққа шығарды. Жемқорлықты тергеу қор-бюросы (ФБР) аукционның қалай жүргізіліп жатқанын зерттеп көрді, деп хабарлайды Salemnews.kz ақпарат агенттігі.
Қазіргі кезде атышулы компанияның жалғыз акционері – Қорғаныс министрлігі. «Әскери құрылыс» АҚ тұрғын үй құрылысына маманданған.
Жемқорлықты тергеу қор-бюросының мәліметінше, 2013 жылдан бастап бұл мекеме әртүрлі бұзушылықтар бойынша қаржы нарығын реттеу және дамыту агенттігінің (ИРФР) назарын өзіне 6 рет аударған. Ал 2023 жылы компанияға қатысты 350-ден аса сот ісі жүргізілді.
Бұл жолы «Әскери құрылыс» командалық-есептеу орталығы (6 694,5 ш.м.), радиолокациялық орталықтың (10011,8 ш.м.), 2ПА антенналық құрылғыға арналған баспананың (жалпы ауданы 14 203,8 ш.м.) және 2 876 дана тауарлық-материалдық заттарды сатқалы жатыр.
Лоттың бастапқы бағасы шамамен 3 миллиард теңгеге саудаланған. Бірақ аукцион бағасы төмендеп, 2023 жылғы 9 қазандағы бағалауға сәйкес жалпы бағалау құны 1 миллиард теңгеден асты. Өтінімдерді қабылдау 9 сәуірде аяқталады.
Аукционда ұсынылған технологиялық құрылыстар мен өзге де тауарлар Қарағанды облысы Ақтоғай ауданы Тасарал кентінің жанында Балқаш көлінің жағасында орналасқан. Лоттың құжаттамасында ұсынылған картаға қарағанда объектілер «Балқаш» торабына кіреді.
