Фото: gov.kz
«Қазақмыс» корпорациясы басқару құрылымын ауқымды түрде трансформациялауға және кадрлық реформалауға кірісті. Бұл туралы «Қазақмыс корпорациясы» ЖШС басқарма төрағасы Нұрахмет Нуриев Жезқазғанда еңбек ұжымдарымен өткен есептік кездесуде мәлімдеді, деп хабарлайды salemnews.kz
Онлайн форматтағы жиынға Балқаш, Қарағанды және Шатыркөл-Жайсаң өндірістік алаңдарының қызметкерлері де қатысты.
Өзгеріс басқару тиімділігін арттыруға, қызметкерлердің мәселелерін жедел шешуге, оның ішінде өнеркәсіптік қауіпсіздік, еңбекті қорғау және әлеуметтік қолдау мәселелерін реттеуге бағытталған. Сонымен қатар өзгеріс басқарудың барлық деңгейінде ашықтық пен жауапкершілікті күшейтуге мүмкіндік береді.
Реформа аясында басқарудың екі деңгейі таратылып, «Қазақмыс» корпорациясының бас директоры және кен-байыту кешенінің бас директоры лауазымдары жойылады.
